RSS

ردا علي مظاهرات رد الجميل من ميدان مصطفي محمود

16 فبراير

http://www.youtube.com/watch?v=JR8sEKw3tJM&feature=player_embedded

اسفين يا ريس (سابقا) .

احنا كلنا اسفين يا ريس .. اسفين ان احنا  ما قدرناش نصبر اكتر من كده علي ظلمك وافتراك .. اسفين ان احنا ما استحملناش الفقر والمرض اكتر من كده وجمال بيكسب 77 مليون دولار في السنة من هيرمس بس ..

اسفين يا ريس ان احنا ما عرفناش نوفر لك غير 70 مليار دولار .. ما انت عارفنا احنا كتار وبناكل في اته محلولة ..

اسفين يا ريس ان احنا مابيقناش قادرين اكتر من كده علي ان ولادنا ما يتعلموش و ما يتعالجوش .. والامية ضيعت مستقبلهم والمرض  حصد ارواحهم  ..  كتر خيرك حتفكر في ايه ولا ايه

اسفين ان احنا ما سكتناش لما زورت الانتخابات علشان تورثنا لابنك .. شفت افترا من شعب قد كده ؟؟

اسفين اننا اتطاولنا عليك بالرغم من مجهوداتك اللي وقعت علي دماغ اللي جابونا صخرة المقطم وموتت منا اللي مات وشردت منا اللي اتشرد ..وانت حتي ما جيتش تطل علي الناس اللي ضاع كل اللي حيلته وبقت في الشارع .. ولا حتي سألت انت والوزارة ورئيس الوزارة في ابوهم .. مش عارفين نودي جمايلك قين يا ريس  .

اسفين قوي اننا اتنمردنا علي النعمه لما اتباغك جابولنا الاكل الفسد والمبيدات المسرطنة ولبن الاطفال اللي جب لولادنا السرطان .. اسفين كمان ان فينا ناس زعلت لما الميه اللي شربوها من تحت ايدك جابتلهم فشل كلوي ..افترا بقي

اسفين يا ريس ان احنا كنا بنعصي اوامرك ونروح الجوامع و نروح الكنايس ندعي  عليك وعلي ذيولك .. واسفين ان احنا موقعناش في بعض وسيحنا دم بعض لما فجرت الكنيسة ولزقتها فينا  يا ريس يا ابن ال.. ريس .. معلهش مصريين بقي ..مع انك تعبت والله في الموضوع ده ..اسفين جدا ..اسفين احنا المسلمين والاقباط اللي وقفنا كتف بكتف نهدف ضدك وضد نظامك ..

اسفين اكتر ان ان ولادنا لما طلعوا يوم 25 يناير وقفوا في وش رصاص زبانيتك ..وقنابلهم .. اصلهم مش متربيين ..مع ان طول عمرنا نتعلم منك ان المشي جوه الحيط امن وامان.. والذل استقرار ..

اسفين ان احنا زعلنا لما دبحت ولادنا يوم الاربع قدام عنينا .. بالسيوف والسنج وسبت عليهم الخيل والجمال والبغال ..ورفضت طبعا تبعت حمير علشان ما حدش يشك فيك ..طول عمرك ناصح ..

اسفين ان ولادنا ما خافوش من دباباتك ولا طياراتك المقاتلة اللي طلعت تجاملك بكام مليون جنيه من دمنا ودم الغلابة ..  اسفين والله مع ان الطيارات والدبابت دي بفلوسنا احنا..

اسفين ان الشعب طلع قليل ادب ومش متربي وراح يعزي اهل الشهداء بدل ما يعملولك صفحات علي الفيس بوك ويطالبونا ننسي دم ولادنا ..عموما ولادهم بكره جاي دورهم ..

اسفين تاني ان احنا حتي لما ربنا قدرنا عليك وخلعناك زي المسمار من جنبنا ..ما خليتش عند امك دم وسبت البلد زي الملك فاروق ..وبدل ما تغور في داهية رايح شرم الشيخ تنبسط وتاكل كافيار انت وولادك .يعني برضه عايش علي حسابنا .. مش باقولك احنا شعب ما عندوش دم ..

اسفين ان احنا سبناك قاعد علي نفسنا 30 سنة .. باستفتاء ماشي .. انتخابات ماشي .. بلطجة ماشي ..تناحة ماشي .. المهم انك ما بقيتش قادر تقف علي رجليك ومش هاين غليك تحل عن سما ابونا .. اسفين والله ..
 

واسفين مرة تانية يا سيدي ان احنا لسه وسطنا  خونة للدم المصري اللي سال ..وان وسطا لسه جبناء حتي بعد ما الولاد الصغيرين ادونا حقنة الشجاعه وعلمونا درس الكرامة .. اسفين ان فيه ناس لسه النفاق ماليها .. وعاذرينهم.. 30سنة ذل برضه كتير يا ريس وما يعرفوش غير كده ..ما تنساش ان فيه ناس اتولدت وعاشت وكانت فاكرة انها ختموت في عهدك الكريم .. يعني ما يعرفوش غير الذل والمهانة والنفاق ..العاده بقي ..سامحنا

واكيد هما – بتوع مصطفي محمود- اللي لوثوا اسم الراجل اللي لو يعرف ان الجامع بتاعه حيبقي مرتبط بالنفاق ومسح الجوخ والفساد ما كنش بناه اصلا . اسفين ان دوا ما عندهمش الشجاعه انهم يعترفوا ان عصرهم انتهي وان المحسوبية راحت واللي كانوا عايشين لا مؤاخذة علي قفا الفساد اللي كنت بتنشره في كل مكان في مصر

وبرضه عاذرينهم ..حيعيشوا ازاي بعدك وهما اتولدوا في حرام وعاشوا في حرام وعيشوا اولادهم في الحرام ..حيلاقوا فين حامي للحرام زيك يا ريس  ..
حيعيشوا منين والفساد في خبر كان ..يعني التليفزيون ال 50 بوصة وعربيات الولاد والفيلا في مارينا ..راحت خلاص ..احلام الولاد ان ابوهم اللي مع الباشا حيشغلهم اول ناس ..والرشاوي حتجيب الشقة والعربية والحساب اياه بتاع الفساد .يا عيني كل ده راح ..

حيمصوا دم مين تاني والشعب ابن الشعب فاق وصحي ..مين حيحميهم وزعيم الفساد راح شرم الشيخ وبكره هنرميه بره خالص ..ما هو تراب البلد لازم ينضف .. ومصر معروفة مهما زاد الظلم حتقف تاني ..ومهما وطت راسها لا يمكن تلمس الطين ..عملتها قبل كده كتير .. مع الهكسوس .. مع فرعون ..ومع نابليون ..ومع الانجليز ..ومع اليهود .. ومع اللي اكتر ظلم وجبروت من كل دول .. مع مبارك واسرته  ..

Advertisements
 
3 تعليقات

Posted by في 16/02/2011 in Uncategorized

 

3 responses to “ردا علي مظاهرات رد الجميل من ميدان مصطفي محمود

  1. weghatnazer1

    16/02/2011 at 3:11 ص

    الجماعه اللي رايحين ايوم رد الجميل ده .. خدوا معاكم الجميل ده كمان وانتم رايحين ..وسلموا علي مبارك

     
  2. weghatnazer1

    16/02/2011 at 3:47 ص

    وكمان ما تنسوش تشكروه علي دي ..
    السيد الفاضل رئيس الوزراء السابق يمتلك 3 فيلات له ولابناءه بمجمع النخيل علي طريق مصر الاسكندرية .. وخصص له 5 سفرجية من عمال وزارة المواصلات و 13 واحد من الامن تبع مجلس الوزراء ( حتي اليوم ) .. المهم كمان ان فاتورة الكهرباء للثلاث فيلات لم يتعدي 5 جنيهات ..
    سلمولي علي مبارك وجمال ..
    الخبر منشور في الدستور هتا
    http://dostor.org/society-and-people/variety/11/february/12/36191

     
  3. weghatnazer1

    16/02/2011 at 4:03 ص

    ارجوكم لا تنسوا هؤلاء .. الذين حرضوا علي المتظاهرين وحشدوا للاربعاء الدامي في التحرير
    قوائم العار ..لن ننسي لهم يوما ما فعلوه بعد ان صعدوا علي اكتافنا .. وطعنونا في الظهر ..
    شاهد قوائم العار علي الرابط الاتي ”
    http://el3ar.info/

     

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

 
%d مدونون معجبون بهذه: